بھارت نے ایک بار پھر اپنا شوقِ زور آزمائی رسواکن نتیجے کے ساتھ پورا کر لیا ہے اور 🇵🇰 پاکستان نے ایک مرتبہ پھر ثابت کر دکھایا ہے کہ مومن ہو تو بے تیغ بھی لڑتا ہے سپاہی اور نصرت کو کھینچ لاتی ہے اہل توحید کی شجاعت اور قربانی۔
ایک زمانہ تھاکہ قریش کے لشکر یہود کے سرمائےکے بل بوتے پر پورے عرب کے جنگجوؤں کو ساتھ لے کر آتے اور کبھی بدر کی سیسہ پلائی دیواروں سے ٹکرا کر اور کبھی خندق کی گہرائیوں میں گر کر منہ کی کھاتے یہاں تک کہ خیبر خراب ہوا اور مکہ فتح ہوا۔
بت زمین بوس ہوئے اور بت فروشوں کے مددگار رسواکن ہزیمت کے ساتھ جلاوطن ہوئے۔
اب تاریخ خود کو دہراتی ہے۔
بھارت غرور وگھمنڈ کاشکار ہوکر پاکستان کو نیچا دکھانے کاارمان دل میں لئے جنگ کے شعلے بڑھکاتا ،بڑھکیں مارتااور قسمت آزماتاہے لیکن ہر مرتبہ منہ کی کھاکر دنیا کے لئے عبرت بن جاتاہے۔
غزوہ بدر سے غزوہ ہند تک یہ سلسلہ جاری رہے گا۔
روشنی کی کرنیں ظلمت کاپردہ چاک کرتی رھیں گی۔مایوسی کی تہہ سے شادمانی والے حوصلے ابھرتے رھیں گے۔
اہل ایمان بے سروسامانی کے باوجود طاقت کوخاک چٹاتے رہیں گے۔
توحید کا علم لہراتا رہے گا اور "فئةقلیلة" فئةکثیرة پر غالب آتارہے گا۔
ان شاءاللہ تعالی
